Azərbaycanca

Elmira Süleymanova: “Həqiqətə dözümsüzlük ermənilərin simasını göstərir”

10.04.2015 | 11:50

811f70c6546d1699f2a02d453b05ef66

“Ermənistan Azərbaycanın tarixi torpaqlarında marionet bir rejim yaradıb və oyuncaq rejimin öz prokuroru, öz məhkəməsi var. Elə bu yaxınlarda da bu oyuncaq məhkəmə öz ata-baba torpaqlarını, oradakı valideynlərinin məzarlarını ziyarət edərkən ermənilərin girov götürdüyü iki azərbaycanlıya hökm oxuyub. Onlardan birinə ömürlük cəza, birinə 22 il cəza verilib. Beynəlxalq hüquqda belə bir president yoxdur. Ortada cinayət yoxdur”.

 

APA-nın xəbərinə görə, bunu Azərbaycanın İnsan Hüquqları üzrə Müvəkkili (Ombudsman) Elmira Süleymanova deyib.

Ombudsman E. Süleymanova bildirib ki, həqiqətə dözümsüzlük ermənilərin simasını göstərir: “Bunun ən bariz nümunəsi Moldova Ombudsmanı Aureliya xanıma olan münasibətdir. Moldova ombudsmanı bir neçə dəfə Azərbaycanda olub, Azərbaycan həqiqətləri ilə tanış olub. Dondurulmuş münaqişələrə həsr olunmuş tədbirdə ermənilər onun Azərbaycanın həqiqətləri haqda çıxışına imkan verməyiblər.

Ermənistan hakimiyyəti bu gün Azərbaycanı Qafqazda sülhə ən böyük təhlükə kimi görür. Bunun adı vicdansızlıqdır. Bizim 20 faiz torpağımız işğal olunub, bir milyondan çox qaçqın və məcburi köçkünümüz var. Bu, heç bir yerdə yoxdur. Ermənistan hətta azərbaycanlı uşaqlara da qıyır. Erməni snayperinin 9 yaşlı Fariz Bədəlovu öldürməsi buna bir nümunədir”.

10.04.2015 11:50

Şərh yaz

Your email address will not be published. Required fields are marked *

*