Հայերեն

Հովհաննես Իգիթյան. «Հայաստանում արդեն գործում է Մաքսային միությանը գրաքննությունը »

10.06.2014 | 15:54

1402401210_ovannesԱԺ արտաքին հարաբերությունների հանձնաժողովի նախկին նախագահ, միջազգային փորձագետ Հովհաննես Իգիթյանը , անդրադառնալով Լևոն Տեր-Պետրոսյանի այն հայտարարությանը, որ Հայաստանի արևմտամետները չկայացրին մեր «մայդանը», ասում է.

«Թեկուզ այն, որ ինքը նշում էր, որ կարող էր 50 հազար մարդ հանել փողոց, խոսում է այն բանի մասին, որ ինքը չի պատկերացնում այն, ինչ կատարվում է Ուկրաինայում: Այսօր Ուկրաինայում մեկ միլիոնից ավելի մարդ է կանգնած փողոցում, և նրանց ոչ մի ընդդիմադիր քաղաքական ուժ չի հանել փողոց: Նրանք դուրս են եկել պայքարելու իրենց շահերի ու ազատությունների համար»: Այդ մասին հաղորտում է
“KarabakhINFO.com”-ը վկայակոչելով՝ tert.am –ին

 

-Պարոն Իգիթյան, Մաքսային միությանը Հայաստանի անդամակցությունից հետո կանխատեսու՞մ եք Հայաստանում մամուլի և ժողովրդավարական, մարդու իրավունքների խախտումների վիճակի վատթարացում:

 

-Այո, իհարկե, Հայաստանն արդեն իսկ ստորագրել է մի փաստաթուղթ, որով պարտավորություն է վերցրել որևէ ձևով չվնասել «Մաքսային միություն» հասկացությանը, ինչը հենց ցենզուրայի դրսևորում է և խոսքի ազատության առաջին սահմանափակումներից մեկը: Այսինքն՝ այսօր լրագրողներին, գոնե մամուլի այն միջոցներին, որոնք վերահսկվում են պետությունների կողմից, արգելված է խոսել Մաքսային միության դեմ: Խոսքը Սերժ Սարգսյանի՝ Մոսկվա կատարած նախորդ այցի շրջանակներում մի փաստաթղթի ստորագրության մասին է: Փաստաթուղթն ինքը թեև գաղտնի է պահվում, բայց նույնիսկ պաշտոնական հաղորդագրությունների շրջանակում նշված էր այս փաստաթղթի էության մասին:

 

-Պարոն Իգիթյան, ըստ Ձեզ՝ այլևս անշրջե՞լի է Հայաստանի՝ Մաքսային միության անդամակցությունը: Այսինքն՝ մենք անշեղորեն գնում ենք դեպի ՄՄ՞:

 

-Ես չեմ կարծում, որ Սերժ Սարգսյանն է այդքան վստահ: Եվ ես վստահ չեմ, որ դա է Հայաստանի ապագան, և ինչքան ժամանակ Հայաստանին հարկավոր կլինի հասկանալու, որ տնտեսական տեսակետից դա որևէ օգուտ չի բերելու:

 

-Շատ լավ, կարծեմ հակադարձել էիք Լևոն Տեր-Պետրոսյանի պնդմանը, թե ինչու հայերը չկայացրին «եվրամայդանը», մասնավորապես այն պատճառով, որ մեր մոտ պատմական հիշողությունը երբեք մեզ հակառուսական չի դարձնի:

 

– Ես լավ թե՛ պատմությանն եմ ծանոթ, և՛ հասկանում եմ, թե Լևոն Տեր-Պետրոսյանն ինչ նկատի ունի, բայց արհեստական եմ համարում այսօր՝ 21-րդ դարում տնտեսական շահերը կամ մարդու իրավունքների պաշտպանության հարցերը ներկայացնել որպես կողմնորոշում. թե՛ պրոռուսական, թե՛ արևմտաեվրոպական:

 

-Ի՞նչ նկատի ունեք:

 

-Դե այդպես է ստացվում, եթե հանկարծ պատկերացնում ենք, որ մի քաղաքական գործիչ խոսում է արժեքներից , մարդու իրավունքներից, ապա ինքն այսօրվա արհեստածին չափանիշներով միանգամից համարվում է հակառուսական: Դա այդպես չէ, 21-րդ դարում դու կարող ես տնտեսական հարաբերություններ ունենալ թե՛ Ռուսաստանի, թե՛ Եվրամիության և որևէ պրոբլեմ այստեղ կողմնորոշման հետ չկա: Ինձ թվում է՝ դա հենց Ռուսաստանից էր եկել, հետո Հայաստանի իշխանություններն են որդեգրել այդ մոտեցումը, և այսօր նույնիսկ ընդդիմադիր գործիչները կրկնում են այդ նույն բանը՝ մարդկանց այդ արհեստական բաժանումն ըստ կողմնորոշումների՝ արևմտամետներ կամ սլավոնական կողմնորոշում ունեցող:

 

– Այսուհանդերձ, ՀԱԿ առաջնորդի ելույթում կար մի քննադատություն առ այն, որ մայդանը չկայացրին արևմտամետները: Ձեր, Ձեր կուսակցության մեղքն այստեղ տեսնո՞ւմ եք կամ ռացիոնալ հատիկ իր քննադատությունում:

 

– Ճիշտն ասած՝համաձայն չեմ Լևոն Տեր-Պետրոսյանի գնահատականների հետ, որոնք վերաբերում են մայդանին: Ինքը կարծեք թե այլ ձևով է պատկերացնում մայդանը, այսօրվա մայդանը 2004 թվականի մայդանը չէ: Չեմ ուզում մեկնաբանել իր ելույթը, բայց մի հանգամանքի, որն ինքը նշում էր, ուզում եմ անդրադառնալ: Թեկուզ այն, որ ինքը նշում էր, որ կարող էր 50 հազար մարդ հանել փողոց, խոսում է այն բանի մասին, որ ինքը չի պատկերացնում այն, ինչ կատարվում է Ուկրաինայում: Այսօր Ուկրաինայում մեկ միլիոնից ավել մարդ է կանգնած փողոցում և նրանց ոչ մի ընդդիմադիր քաղաքական ուժ չի հանել փողոց: Նրանք դուրս են եկել պայքարելու իրենց շահերի ու ազատությունների համար: Եվ նույնիսկ ընդդիմությունը չի կարողանում այս մարդկանց վերահսկել՝ այն, ինչ կատարվում է: Եկեք Լևոն Տեր-Պետրոսյանի ելույթի մասին չխոսենք, ես չեմ հասկացել՝ դա ի՞նչ է, իր վերլուծությո՞ւնն է, թե դա հայտարարության ձևով ՀԱԿ-ը կներկայացնի, որի հետ կարող ենք համաձայն լինել, կամ՝ ոչ: Բայց ինձ թվում է՝ հիմա մենք պետք է ավելի շատ քննարկենք զուտ էությունն այդ « Մաքսային միության» կոչված փաստաթղթի՝ Ճանապարհային քարտեզի: Եվ ինձ թվում է՝ բոլորը պետք է քննարկեն սա, չնայած թե՛ իշխանությունը, թե՛ ՀԱԿ-ը, ըստ իս, դեմ չեն ՄՄ-ին:

 

Կուզեի ավելացնել, որ եթե որևէ մեկը ասում է, որ սրանով լուծվում է Հայաստանի անվտանգության հարցը, ԼՂ խնդիրը, թող այդ դեպքում չասեն, որ դա քաղաքական կամ տնտեսական հարց է: Եվ թող ներկայացնեն երաշխիքները, թե ինչու է Մաքսային միությունն ապահովում Լեռնային Ղարաբաղի անվտանգությունը կամ գոյության իրավունքը:

 

 

– Պարոն Իգիթյան Ձեր հայտարարություններն անելիս հաշվի առնո՞ւմ եք այն կարծիքը, որ Ռուսաստան-Արևմուտք սառը պատերազմի նոր փուլ ենք թևակոխում, և գոնե տարածաշրջանում հաստատվում է բազմաբևեռ աշխարհ:

 

– Հարցի առաջին մասի հետ համաձայն եմ, որ այսօր ոչ թե սառը պատերազմ, այլ հակամարտություն է, դիվանագիտական ասենք, թե շահերի բախում ու մրցակցություն է գնում, պայմանական ասենք՝ Ռուսաստանի և Արևմուտքի միջև: Հատկապես Ռուսաստանը փորձում է իր շուրջը հավաքել հնարավորինս շատ երկրներ այն պատճառով, որ Ռուսաստանի ուժը չի հերիքում այս պատերազմում: Եվ նա փորձում է իր նախկին ազդեցության երկրներին բերել իր կողքը, անկախ նրանից, թե այդ երկրներն իրեն իրո՞ք պետք են, թե ոչ: Իհարկե, այսօր երևում է այնպես, որ Ռուսաստանը այս գործողությունը զուտ թվաբանական ձևով է կատարում Հայաստանի, Ղրղըզստանի, փորձում է նաև Մոլդովային , Ուկրաինային բերել իր գոտի: Բայց չեմ կարծում, որ դրանից այս փոքր երկրները կշահեն:

 

“KarabakHİNFO.com”

 

10.06.2014 15:54

Գրեք մեկնաբանություն

Your email address will not be published. Required fields are marked *

*