Azərbaycanca

ABŞ-ın İndiana ştatının qubernatoru Xocalı qətliamını pisləyən bəyannamə imzalayıb

22.02.2017 | 11:29

indiana-proclamation-on-khojaly

ABŞ-ın İndiana ştatının qubernatoru Erik Holkomb (Eric Holcomb) xüsusi bəyannamə imzalayaraq 26 fevral tarixini İndianada “Xocalını Anma Günü” elan edib.
Azərbaycanın Los Ancelesdəki Baş Konsulluğundan APA-ya verilən məlumata görə, bəyannamədə Xocalı qətliamı dəhşətli faciə kimi pislənilir.

 

Bu, İndiana qubernatoru tərəfindən indiyədək Xocalı qətliamına dair imzalanan ilk bəyannamədir. Sənəddə Xocalı qətliamı zamanı 600-dən çox mülki vətəndaşın, o cümlədən çox sayda uşaq, qadın və qocaların kütləvi şəkildə öldürüldüyü bildirilir. “Human Rights Watch” təşkilatının bu qətliamı regionda baş vermiş ən böyük kütləvi qırğın adlandırdığı vurğulanaraq qeyd olunur ki, bu dəhşətli hadisə dünya xalqları arasında qarşılıqlı anlaşma, xoş münasibət və tolerantlığın nə qədər zəruri olduğunu göstərir.

Qubernator Azərbaycanın müstəqilliyinin, suverenliyinin və ərazi bütövlüyünün ABŞ və BMT də daxil olmaqla, bütün beynəlxalq ictimaiyyət tərəfindən tanındığını bildirir.

Bəyanatın sonunda qubernator E. Holkomb İndianada və dünyanın müxtəlif ölkələrində yaşayan azərbaycanlıların hər il 26 fevral tarixində Xocalı qətliamının qurbanlarını andıqlarını vurğulayaraq, bu tarixi İndianada “Xocalını Anma Günü” elan etdiyini açıqlayıb və bütün İndiana sakinlərini bu günü anmağa çağırıb.

Qeyd edək ki, ABŞ-ın hazırkı vitse-prezidenti Mayk Pens (Mike Pence) indiki vəzifəyə seçilməzdən öncə, 2013-2016-cı illərdə İndiana ştatının qubernatoru vəzifəsini daşıyıb.

 Apa.az
22.02.2017 11:29

Şərh yaz

Your email address will not be published. Required fields are marked *

*