Azərbaycanca

Ağdam Muğam Mərkəzinin inşası gələn ilin birinci yarısında başa çatdırılacaq

20.11.2017 | 11:51

Ağdam rayonunun Quzanlı qəsəbəsində Heydər Əliyev Fondunun təşəbbüsü və dəstəyi ilə Muğam Mərkəzi inşa edilir.

Ümumi sahəsi 1800, daxili sahəsi isə 1580 kvadratmetr olan mərkəzin binasında 328 yerlik zal, foye, qalereya, dekorasiya, qrim, gözləmə, dərs otaqları yaradılacaq. Həyətdə 60 avtomobil üçün dayanacaq, həmçinin qazanxana, nasosxana, yanğın əleyhinə su anbarları tikiləcək.

Artıq binanın tikintisində dəmir-beton və hörgü işləri yekunlaşmaq üzrədir.

Muğam Mərkəzinin inşasının 2018-ci ilin birinci yarısında başa çatdırılması nəzərdə tutulur. Xalqımızın zəngin milli-mənəvi sərvəti olan muğamın təbliğinə və onun yaşadılmasına xidmət edəcək bu mühüm layihə ölkəmizdə musiqi mədəniyyətinin inkişafına öz töhfəsini verəcək.

AZƏRTAC

20.11.2017 11:51

Şərh yaz

Your email address will not be published. Required fields are marked *

*