Azərbaycanca

Azərbaycanlı köçkünlərin acınacaqlı durumu Britaniya mediasında

25.06.2014 | 15:44

1403696503_ed-kashiİyunun 20-də Böyük Britaniyanın  nüfuzlu “The Telegrapf” qəzetində dünya şöhrətli amerikalı fotojurnalist Ed Kaşinin azərbaycanlı qaçqın və məcburi köçkünlərin taleyini əks etdirən “Həyata keçməyən arzular” adlı foto sərgisinə dair müsahibəsi və foto sessiyası dərc edilib.

Ed Kaşi Avropa Azərbaycan Cəmiyyətinin (TEAS) dəvəti ilə azərbaycanlı qaçqın və məcburi köçkünlərin didərginlik həyatlarını foto obyektivə almaq üçün Azərbaycanda səfərdə olmuşdur. Fotoqraf “The Telegrapf” a verdiyi müsahibədə Azərbaycan qaçqın və məcburi köçkün problem ilə üzləşən ilk keçmiş Sovet ölkəsi olduğunu bildirib. “Qaçqınlar Ermənistandan, məcburi köçkünlər isə Ermənistan tərəfindən işğal edilmiş Dağlıq Qarabağ və ətraf yeddi rayondan olan etnik azərbaycanlılardır,”- deyə Kaşi vurğulayıb. Kaşinin sözlərinə görə, hazırda Azərbaycan dünya ölkələri sırasında adambaşına düşən qaçqın və məcburi köçkünlərin sayına görə birinci yerdədir.

 

Müəllifin “Həyata keçməyən arzular” adlı foto sərgisi TEAS tərəfindən London və  Brüsseldə təşkil olunub. Ötən həftədən etibarən isə Ümumdünya Qaçqınlar günü münasibətilə Parisdə sərgilənir.

 

“KarabakhİNFO.com” 

 

25.06.2014 15:44

Şərh yaz

Your email address will not be published. Required fields are marked *

*