Azərbaycanca

XƏBƏR

NATO rəsmisi Qarabağda vəziyyəti “soyuq müharibə” dövrünün SSRİ-ABŞ münasibətləri ilə müqayisə edib

14.06.2017 | 15:22

ceyms-appaturay

“Dağlıq Qarabağ münaqişəsi zonasında sürətlə silahlanmanın mütləq şəkildə silahlı münaqişəyə səbəb olacağını düşünmək doğru deyil”.

 

APA-nın Ermənistanın “news.am” saytına istinadən verdiyi məlumata görə, bunu NATO baş katibinin Cənubi Qafqaz və Mərkəzi Asiya üzrə xüsusi nümayəndəsi Ceyms Appaturay deyib.

 

O bildirib ki, nəticədə hər zaman hər məsələ siyasi qərarlarla həll edilir: “Soyuq müharibə” dövründə SSRİ ilə ABŞ da külli miqdarda silah ehtiyatı toplamışdı, lakin müharibə etmədi.

 

Sürətlə silahlanma aparmaq olar, amma bunun mütləq müharibəyə gətirib çıxaracağını düşünmək olmaz. Bununla yanaşı, aşağı səviyyədə silahlı toqquşmalar baş verirsə, hətta tərəflər kifayət qədər narahatedici bəyanatlar səsləndirirsə, bu halda silahlanma problemin bir hissəsinə çevrilir”.

 

Apa.az

AŞPA Monitorinq Komitəsi həmməruzəçilərinin Azərbaycana səfəri başlayıb

12.06.2017 | 12:13

48-64

Avropa Şurası Parlament Assambleyası (AŞPA) Monitorinq Komitəsinin Azərbaycan üzrə həmməruzəçiləri Stefan Şennak və Sezar Florin Predanın Azərbaycana üç günlük səfəri başlayıb.

 

Bu barədə APA-ya Avropa Şurasının Bakıdakı ofisindən məlumat verilib. Məlumatda bildirilir ki, səfər zamanı həmməruzəçilər ölkə prezidenti, parlament sədri, ədliyyə naziri, Azərbaycanın AŞPA-dakı nümayəndəliyinin üzvləri, baş prokuror, Ali Məhkəmən sədri, Dövlət Təhlükəsizliyi Xidmətinin rəisi və Ombudsmanla görüşü nəzərdə tutulub.

 

S. Şennak və S. Preda vətəndaş cəmiyyətinin üzvləri, bir qrup keçmiş məhkum və hazırda həbsdə olan şəxslər, parlamentdə təmsil olunmayan partiyaların üzvləri ilə də görüşəcəklər.

 

Apa.az

Ermənilər gecə Ağdamın işğal altında olan kəndlərinə od vurub

12.06.2017 | 11:59

494

Ermənistan silahlı qüvvələri Ağdam rayonunun işğal altında olan kəndlərində növbəti dəfə yanğınlar törədiblər.

APA-nın Qarabağ bürosunun xəbərinə görə, yanğınlar ötən gecə boyu ermənilərin nəzarətində olan Baş Qərvənd və Şıxlar kəndlərində müşahidə olunub.

Yanğın gedən ərazilərdə tüstülənmə hələ də davam edir.

Apa.az

Həmsədrlərin regiona səfəri başlayıb

10.06.2017 | 15:39

f593bb51a01663-593bb51a0169f.thumb

ATƏT-nın Minsk qrupunun həmsədrləri Riçard Hoqland (ABŞ), İqor Popov (Rusiya), Stefan Viskonti (Fransa) və ATƏT-in fəaliyyətdə olan sədrinin şəxsi nümayəndəsi Anjey Kaspşik (Polşa) Ermənistana səfər edib.

 

APA-nın məlumatına görə, həmsədrlər Ermənistanın müdafiə naziri Vigen Sarqsyanla görüşüblər.

 

Görüşdə münaqişə zonasındakı vəziyyət müzakirə olunub. Həmsədrlər Ermənistan prezidenti Serj Sarkisyan və xarici işlər naziri Edvard Nalbandyanla da görüşəcəklər.

 

Onların işğal altında olan Azərbaycan ərazilərə səfər edərək, Xankəndidə görüşlər keçirməsi də nəzərdə tutulur.

 

İyunun 19-da isə vasitəçilər Bakıya səfər edəcəklər.

 

Səfərin yekununda həmsədrlər adından bəyanat yayılacaq.

 

Dağlıq Qarabağ münaqişəsinin müasir mərhələsi 1988-ci ildə Ermənistan SSR-in Azərbaycan SSR-ə qarşı ərazi iddiaları əsasında başlayıb.

 

1991-1994-cü illərdə Azərbaycanın Dağlıq Qarabağ ərazisi uğrunda Ermənistanla Azərbaycan arasında şiddətli müharibə baş verib. Nəticədə Azərbaycan ərazilərinin 20 faizi – Dağlıq Qarabağ və ətraf 7 inzibati rayon (LaçınKəlbəcərAğdamFüzuliCəbrayılQubadlıZəngilan) Ermənistan Silahlı Qüvvələri tərəfindən işğal olunub, 1 milyondan artıq insan qaçqın və məcburi köçkün vəziyyətinə düşüb. Hərbi əməliyyatlar 1994-cü ilin may ayında Bişkekdə Azərbaycan və Ermənistan arasında imzalanmış atəşkəs sazişi ilə başa çatıb.

 

Dağlıq Qarabağ münaqişəsinin həlli ilə ATƏT-in Minsk qrupu məşğul olur. Qrup ATƏM (1994-cü ilin dekabrında keçirilmiş Budapeşt sammitindən sonra ATƏT) Nazirlər Şurasının 1992-ci ilin 24 martında Helsinkidə keçirilmiş görüşündə yaradılıb. Qrupun üzvləri Azərbaycan, Ermənistan, Rusiya, Amerika Birləşmiş Ştatları, Fransa, İtaliya, Almaniya, Türkiyə, Belarus, Finlandiya və İsveçdir.

 

1996-cı ilin dekabrından onun Rusiya, ABŞ və Fransadan ibarət həmsədrlik institutu fəaliyyət göstərir.

 

Ermənistan qoşunlarının Dağlıq Qarabağdan qeyd-şərtsiz çıxarılması ilə bağlı BMT Təhlükəsizlik Şurasının 1993-cü ildə qısa fasilələrlə qəbul edilmiş 822, 853, 874 və 884 saylı qətnamələri, o cümlədən BMT Baş Assambleyası, AŞPAATƏT, İƏT və digər təşkilat və qurumların qətnamələri mövcuddur.

Apa.az