Azərbaycanca

Davudoğlu: “Qarabağ münaqişəsinin həlli üçün şərait yaranıb”

27.05.2014 | 06:35

1401196639_2b7d275634a827fcc179b9a50502cf30“KarabakhİNFO.com” beynəlxalq e-jurnalı APA-ya istinadən xəbər verir ki, “Dağlıq Qarabağ münaqişəsinin sülh yolu ilə həll edilməsi üçün yaxşı şərait yaranıb”. Bunu Rusiya paytaxtında Sergey Lavrovla birgə keçirdiyi brifinqdə Türkiyə xarici işlər naziri Əhməd Davudoğlu deyib. Ə. Davudoğlu Moskvaya Bakıdan getdiyini söyləyib: “Bugünkü danışıqlarda hörmətli Sergey Lavrovla Cənubi Qafqazdakı mövcud vəziyyəti müzakirə etdik. Biz, Türkiyə olaraq regionda “dondurulmuş” münaqişələrin həllinin tərəfdarıyıq. Bu region həm Türkiyəyə, həm də Rusiyaya olduqca yaxındır. “Dondurulmuş” münaqişələrin qalması bölgə ölkələri üçün təhlükə yaradır. Ümid edirik ki, Rusiya Azərbaycan-Ermənistan, Dağlıq Qarabağ münaqişəsinin həll olunmasına kömək edəcək, eyni zamanda bölgədə mövcud olan digər “dondurulmuş” münaqişələrin həllində də səylərini əsirgəməyəcək. Ukraynada baş verən hadisələr Dağlıq Qarabağ münaqişəsinin tez bir zamanda həllinin vacibliyini göstərir. Hesab edirik ki, Dağlıq Qarabağ münaqişəsinin həlli üçün yaxşı şərait yaranıb. Bu münaqişənin həlli üçün konkret addımlar atılmalıdır”.

 

“KarabakhİNFO.com” 

27.05.2014 06:35

Şərh yaz

Your email address will not be published. Required fields are marked *

*