Azərbaycanca

Elxan Süleymanovun qətnamə layihəsi AŞPA-da müzakirəyə çıxarıldı

30.09.2014 | 14:39

IMG_3611Bu gün – sentyabrın 30-da Avropa Şurasının Sosial Komitəsində Azərbaycanın AŞPA-da nümayəndə heyətinin üzvü Elxan Süleymanovun təqdim etdiyi “Azərbaycanın cəbhəyanı rayonlarında mülki əhalinin qəsdən sudan məhrum edilməsinə dair” qətnamə layihəsi əsasında təyin edilmiş məruzəçi, Bosniya və Herseqovinadan olan deputat Milisa Markoviçin ilk məlumat-memorandumu müzakirəyə çıxarıldı. E.Süleymanovun verdiyi məlumata görə, məsələ müzakirəyə çıxarılan kimi Ermənistan nümayəndə heyətinin üzvləri çıxışlar edərək, məruzənin adının dəyişdirilməsini, məruzəni Avropada su problemlərinə həsr edilməsini tələb etdilər.

 

 

Sosial Komitənin üzvləri, Böyük Britaniyadan olan deputat Mayk Hanqkok, Belçikadan olan deputat Blanşar, Moldovalı deputat Gileviç ermənilərin bu təklifinə etiraz etdilər və bu kimi təxribatlara son qoymağa çağırdılar. Ermənistan və AŞPA Katibliyinin bütün səylərinə baxmayaraq, məlumat xarakterli memorandum baş tutdu, Ermənistan və AŞPA Katibliyinin niyətləri puça çıxdı. AŞPA Katibliyinin məsləhəti ilə Ermənistan nümayəndə heyəti üzvlərinin istər Assambleyanın dünən müzakirəyə çıxarılmış “Azərbaycanın Dağlıq Qarabağ və işğal edilmiş digər ərazilərində gərginliyin artması” məruzəsinin, istərsə də Sərsəng Su Anbarı ilə bağlı bu gün Sosial və Siyasi Komitələrdə müzakirəyə çıxarılmış məruzənin adlarının dəyişdirilməsinə yönələn səyləri onu göstərir ki, Ermənistan tərəfi işğal siyasətlərinin ifşa olunmasından təşvişə düşüb və ciddi narahatlıq keçirir. Qeyd edək ki, Sərsəng Su Anbarı ilə bağlı AŞPA-da hazırlanacaq məruzə işğal altında olan strateji obyektlərə həsr olunan ilk məruzə olacaq.

 

 

“KarabakhİNFO.com”

 

 

30.09.2014 14:39

Şərh yaz

Your email address will not be published. Required fields are marked *

*