Azərbaycanca

Erməni kəşfiyyatçısı 15 il müddətinə azadlıqdan məhrum edildi

05.05.2015 | 11:50

arsen_bagdasaryan_mehkeme_070415

Bu gün Gəncə Ağır Cinayətlər Məhkəməsində ötən il dekabrın 26-da cəbhənin Ağdam rayonu istiqamətində qoşunların təmas xəttini keçən erməni kəşfiyyatçı Arsen Baqdasaryanın cinayət işi üzrə məhkəmə prosesinə yekun vurulub. Trend Kəpəz TV-yə (Region TV) istinadən məlumat verib ki, hakim Elbəy Allahverdiyevin sədrliyi ilə keçən prosesdə A.Baqdasaryana hökm oxunub. Hökmə əsasən, erməni kəşfiyyatçı 15 il müddətinə azadlıqdan məhrum edilib.

Qeyd edək ki, 2014-cü il dekabrın 26-da cəbhənin Ağdam rayonu istiqamətində qoşunların təmas xəttini keçən ermənilərin kəşfiyyat-təxribat qrupunun üzvü olan peşəkar hərbi qulluqçu Baqdasaryan Arsen Eduardoviç Azərbaycan Silahlı Qüvvələrinin hərbi qulluqçularının sayıqlığı nəticəsində yaxalanıb və hüquq mühafizə orqanlarına təhvil verilib.

Trend.az

 

05.05.2015 11:50

Şərh yaz

Your email address will not be published. Required fields are marked *

*