Azərbaycanca

Ermənilərə cinayət işi açıldı

30.01.2015 | 17:12

prokuror

Girovların cinayət işinin istintaqı xüsusi nəzarətə götürülüb

 

 

Azərbaycan Respublikası Baş prokuroru Kəlbəcərdə öldürülən Həsən Həsənov və girov götürülmüş Dilqəm Əsgərov və Şahbaz Quliyevin cinayət işinin istintaqını xüsusi nəzarətinə götürüb.

 

 

KarabakhİNFO.com beynəlxalq elektron jurnalı ANS PRESS-ə  istinadən  xəbər verir ki, 2014-cü ilin iyul ayında Dilqəm Əsgərov, Şahbaz Quliyev və Həsən Həsənovun yaxın qohumlarının məzarlarını ziyarət etmək məqsədilə Ermənistan silahlı birləşmələri tərəfindən işğal olunmuş Kəlbəcər rayonunun ərazisində olarkən, münaqişə tərəfinin silahlı qüvvələrinin tərkibinə daxil olmayan və bilavasitə döyüş əməliyyatında iştirak etməyən mülki şəxslər olmalarına baxmayaraq, işğalçı dövlətin hərbiçiləri tərəfindən əsir götürülərək onlara işgəncələr verilməsi, beynəlxalq hüquq normalarına qəsdən zidd olaraq həbs edilib. Prosessual hüquqlardan məhrum edilməklə Həsən Həsənovun odlu silahla qəsdən öldürülməsi, Şahbaz Quliyev və Dilqəm Əsgərovun barəsində isə heç bir dövlət tərəfindən tanınmayan, qondarma “Dağlıq Qarabağ Respublikası” adından saxta ittihamlar irəli sürülərək hökm çıxarılması faktları üzrə Kəlbəcər rayon prokurorluğunda başlanmış cinayət işi üzrə Cinayət Məcəlləsinin 115.2 (Müharibə qanunlarını və adətlərini pozma), 115.4, 116.0 (Silahlı münaqişə zamanı beynəlxalq humanitar hüquq normalarını pozma) və 116.0.18-ci maddələri ilə zəruri istintaq-əməliyyat tədbirləri davam etdirilir.

 

 

Cinayət işinin istintaqı Azərbaycan Respublikası Baş prokurorunun xüsusi nəzarətinə götürülüb.

 

 

 

 

“KarabakhİNFO.com”

 

 

30.01.2015 17:12

Şərh yaz

Your email address will not be published. Required fields are marked *

*