Azərbaycanca

Ömrünün yeddi ilini şəhidlərə həsr etmiş adam

26.03.2013 | 11:43

1364282658_cmansetQarabağ müharibəsi Azərbaycanımızın tarixində çox dərin izlər buraxdı. Həmin döyüşlərdə ordumuz olmasa da, vətənimizin müdafiəsinə qalxan könüllü oğullarımız çox oldu. Bu el üçün kimi canından keçdi, kimi müxtəlif dərəcəli xəsarətlər aldı. Onlardan biri də, el içində hamının  “General Əli bəy” kimi tanıdığı,  döyüşçü və eyni zamanda fotoqraf  Əlövsət Zöhrab oğlu Qasımovdur. Ona “General” adını isə Ümummilli lider Heydər Əliyev verib. Biz Əli bəylə məşhur fotoqraf Tahir Cəfərovun evində görüşdük. Onu axtarıb tapdığımız üçün çox sevindi.

 – Əlövsət Qasımov kimdir?

     

Əlövsət Zöhrab oğlu Qasımov 1960-ci ildə Qərbi Azərbaycanın Vedibasar rayonunun Yengicə kəndində anadan olmuşdur. Tərtər rayon Bəyimsarov kədində kənd mədəniyyət evinin direktoru vəzifəsində çalışıb.

Qarabağ müharibəsinin ilk günlərindən dörd qardaşı ilə birlikdə könüllü surətdə döyüş əməliyyatlarında 7 il (1989-1996) iştirak edərək, misli görünməmiş  qəhrəmanlıqları ilə döyüşçülərə nümunə olmuşdur.

 

– Güllə yarası alan Əlövsət Qasımov mübarizəsini davam etdirir.

Ömrünün yeddi ilini şəhidlərə həsr etmiş adamÖmrünün yeddi ilini şəhidlərə həsr etmiş adam

 

 

 

 

 

 

 

 

 

 

 

 

1992-ci ilin avqust ayında Ağdərə istiqamətində gedən döyüşlərdə Əlövsət müəllim yaralanaraq qospitala yerləşdirilir. Sağaldıqdan sonra, düşünür ki,Bəyimsarov kənd Mədəniyyət evində nə etsin? Tez bir zamanda cavabını tapır.

 

– Erməni vəhşiliyini görən Əlövsət Qasımov, bununla bağlı Ümummilli lider Heydər Əliyevlə görüşür.

 

1991-1992-ci illərdə o, bir neçə dəfə Naxçıvana gedərək, Ümummilli lider Heydər Əliyevlə görüşür, onun dəyərli tövsiyyələri və göstərişləri ilə müharibənin dəhşətli faciələrinin sənədləşdirilməsi, tarixin saxtalaşdırılmaması naminə, real faktların gələcək nəsillərə çatdırılması üçün məsləhətlər alır.  H.Əliyev ona cavabında deyir ki; “Oğul, bu hadisələr yaddaşa köçürülməlidir!”

 

– Sıravi əsgərlikdən məşhur fotoqrafçılığa gedən yol.

 

Hələ Almaniyada hərbi xidmət etdiyi dövrdə, fotoqrafçılığın sirlərini öyrənən Əlövsət müəllimə, Ümummilli lider Heydər Əliyev tərəfindən deyilən; “Oğul, bu hadisələr yaddaşa köçürülməlidir!” cümləsi, elə bil onu yuxudan oyadır. O, hərbi xidmətdən gətirdiyi fotoaparatını rayon Mədəniyyət evindən götürərək döyüşə yollanır. Elə, hər şey də bundan sonra başlayır. O, həm azərbaycan, həm də erməni döyüşçülərindən gizlin şəkillər çəkməyə başlayır.

Həmin vaxtı bu işi görmək çox təhlükəli idi, o, güllələnə bilərdi. Bunun üçünsə, ona heç bir kömək lazım olmur. Fotoaparatı 8 saniyəyə quraraq, özüylə birlikdə bütün vəhşilikləri lentə ala bilir.

Ömrünün yeddi ilini şəhidlərə həsr etmiş adamÖmrünün yeddi ilini şəhidlərə həsr etmiş adam

 

 

 

 

 

 

 

 

 

 

 

 

 

 

 

 

 

 

 

 

– O, eyni zaman da döyüş bölgəsində quraşdırılmış minaları zərərsizləşdirərək, şəhidlərin şəklini çəkir onların oradan çıxarılmasını birbaşa özü həyata keçirir.

  

       Erməni əsirliyində hesab edilən, itgin düşdüyü güman olunan şəhidlərimizi döyüş meydanlarından çıxararaq, şəxsiyyətlərini müəyyən   etmişdir. Onlardan  950  şəhid   məhz  Əlövsət Qasımovun təşkilatçılığı  ilə ailələrinə göndərilir. Eləcə də o, erməni vəhşiləri tərəfindən tanınmaz hala salınmış, başı kəsilmiş, min bir işgəncəyə məruz qalmış şəhidlərimizin hər  birinin foto-şəklini çəkərək,  erməni  vandalizmini  ifşa  edən   çox  qiymətli tarixi  foto-səlnamə  yaratmışdır.

 

 O, həyatını təhlükəyə ataraq, meyitlərin üzərindən silahlarını da toplayır.

   

Müharibənin dəhşətlərini öz gözləri ilə görən, hər bir şəhidin faciəsini onunla bərabər qəlbən yaşayan Əlövsət Qasımov canlı şahidi və iştirakçısı olduğu müharibənin hər anını lentə alaraq, tarixi düşmənimiz olan ermənilərin qəddarlıqlarını  bu gün bütün dünyada inkaredilməz faktlarla ifşa edir. Onun çəkdiyi foto-şəkillər dünyanın müxtəlif ölkələrində,  həmçinin  də öz vətənimizdə sərgilərdə dəfələrlə nümayiş etdirilmişdir. Eyni zamanda, Əlövsət Qasımov Ulu Öndərimiz Heydər Əliyevin  göstərişi ilə  erməni ordusunun əsgərlərinə məxsus 1017 avtomat silahı döyüş gedən ərazilərdən toplayaraq, rəsmi sənədlərlə Azərbaycan ordusuna təhvil  vermişdir.

Ömrünün yeddi ilini şəhidlərə həsr etmiş adamÖmrünün yeddi ilini şəhidlərə həsr etmiş adam

 

 

 

 

 

 

 

 

 

 

 

 

– Şəkildən yazıya köçən hadisələr. O, bu yöndə indi də qələmiylə mübarizə aparır.

 

Bundan başqa o, Qarabağ  döyüşlərində  38 cinayətin  üstünü  açmışdır. ”General Əli bəy” adı ilə tanınan bu məhşur qəhrəman döyüşçünün cəbhədə göstərdiyi misilsiz xidmətləri: “Müharibənin canlı ensklopediyası”, “Erməni vandalizmi”, “Başsız meyit”, “Şahid şəhidlər haqqında”, “Qanlı köynəklər”, “Ölümlə üz-üzə”, “Sonsuz erməni vandalizminin iç üzü”, “Oğurlanmış  tarixi  soyqırım”, “Sağlamlığın  sirri”,  “Erməni  terroru”,  “Türklərə qarşı  törədilmiş  erməni  terrorunun  qısa  xronikası”, “Heydər  Əliyevin  hər  anı bir məktəbdir”  adlı  kitablarında öz  əksini  tapmışdır.  Onun  böyük  vətənpərvərlik fəaliyyətindən  bəhs  edən  “Ruhumun  harayı”   və  “Qarabağ  çağırır  bizi”  sənədli filmlər respublikamızda və xarici ölkələrdə   nümayiş   olunur.  Hal-hazırda “Dağlıq Qarabağda erməni terroru vəhşiliyinin canlı şahidi Əlövsət Qasımov” kitabının və eyni zamanda filminin üzərində işləyir. Əlövsət Qasımov 1996 -cı ildə Ordu sıralarından tərxis olunub.

 

–  Özünü vətən üçün qurban vermiş adam.

Ömrünün yeddi ilini şəhidlərə həsr etmiş adamÖmrünün yeddi ilini şəhidlərə həsr etmiş adam

 

 

 

 

 

 

 

 

 

 

 

Belə bir vətənpərvər oğul Qarabağ müharibəsində erməni vəhşiliyinin qurbanı olmuş şəhidlərimizin cəsədlərinin döyüş meydanlarından çıxarılmasında misli görünməmiş işlər görmüşdür. Amma, düşünməmişdir ki, bu işlərdə ağır yoluxucu infeksiyaya yoluxa bilər.

Əlövsət Qasımov Qarabağda çəkdiyi fotolardan ibarət İstanbul şəhərində 11-günlük Sərgi keçirərkən onun xəstəliyi şiddətlənmiş və həkimlərin səyi nəticəsində vəziyyəti yaxşılaşmışdırƏlövsət Qasımov “Qarabağ Həqiqətlərini Beynəlxalq Aləmə Tanıtma”

 

İctimai birliyinin təsisçisi və sədridir. Bu qədər əməyinə baxmayaraq, Əlövsət müəllimə 2012-ci ildə “Veteranlıq vəsiqəsi” verilib. Bununla bağlı müracitləri isə, bu günə qədər cavabsız qalıb. Sonda Əlövsət müəllim qeyd etdi ki, gələn görüşlərimizdə Qarabağla bağlı bir çox hadisələri bizlərə təqdim edəcək və biz də həmin hadisələri elektron jurnalımızda yerləşdirib vətənpərvər oxucularımıza təqdim edəcəyik.

Ömrünün yeddi ilini şəhidlərə həsr etmiş adam

 

 

 

 

 

 

 

 

 

 

 

 

 

 

 

 

 

 

 

 

 

Vasif Əlihüseyn

KarabakhİNFO.com

 

 

26.03.2013 11:43

Şərh yaz

Your email address will not be published. Required fields are marked *

*