Azərbaycanca

Serj Sarkisyanın Azərbaycanda mənzili var imiş

29.01.2013 | 12:02

1359446498_c6ecc5c6-3ec3-4c3d-aa88-b5c5fa9d67f8_mw1024_sErmənistanda fevralın 18-də keçiriləcək prezident seçkisində namizəd olan yeddi siyasətçi arasında ən zəngini indiki prezident Serj Sarkisyan imiş.

Namizədlərin təqdim etdikləri gəlir bəyannamələri əsasında belə demək olar.

Özünü ən kasıb təqdim edən isə bir vaxtlar Qarabağdakı erməni rejiminin “xarici işlər naziri” olmuş Arman Melikyan olub.

Prezidentliyə namizədlərin Ermənistan MSK-sına verdikləri bəyannamələr belədir. Ermənistanın indiki prezidenti, yenidən prezidentliyə namizəd Serj Sərkisyan:

Xankəndində sahəsi 96 m2. olan mənzil.

“Mitsubishi Montero” markalı, 1992-ci il buraxılışı olan avtomobil

32 rəsm əsəri – müəlliflər Xacanyan, Saryan, Akopyan, Başincanyan, Abeqyan və başqaları.

Bir neçə qədim heykəlciklər.

108 milyon 400 min dram – 266 000 ABŞ dolları (16 yanvar 2013-cü ilə)

S. Sərkisyan əsas gəlir mənbələrinin maaşı və “Araratbank”ın qiymətli kağızlarından əldə etdiyi dvidentlər olduğunu göstərib.

 

 

Özünü Qarabağdakı erməni rejiminin “keçmiş Xarici İşlər naziri” kimi təqdim edən Arman Melikyan:

O yazıb ki, nə əmlakı, nə maşını, qiymətli kağızı, nə də bir yerdən gəliri var. Yalnız yanvarın 19-da cibində 400 min dram – təxminən 1000 dollar pulu var.

Melikyan “Azadlıq Radiosu”nun erməni xidmətinə bildirib ki, hazırda anasının evində pasport qeydiyyatındadır və öz ailəsi ilə birlikdə arvadının evində yaşayır.

Dediyinə görə,  namizədliyinin qeydiyyatı üçün lazım olan 8 milyon dram – təxminən 20 min dollar girovu da ona dostları bağışlayıb.

Seçki qanunvericiliyinə görə prezidentliyə namizəd 5 faizdən az səs toplasa, həmin 20 min dollar girov ona geri qaytarılmır.

Melikyan deyib ki, dostları ona həmin məbləği verəndə pulun itə biləcəyini də göz önünə alıblar. Odur ki, 5 faizdən az səs toplasa, kimsə ondan 20 min dollar tələb etməyəcək.

Milli Birlik Partiyasının sədri Aram Arutyunyan:  

Sahəsi 107,9 m2 yarımçıq tikili – ev

“Qaz-3110” markalı avtomobil
Təxminən 4500 dollar pul (19 yanvar 2013-cü il tarixə)

Müxtəlif dostlarına borc verdiyi 8 milyon dram – 20 min dollar pul.
Arutyunyan əsas gəlir yerinin bankların qiymətli kağızları olduğunu yazıb.

Milli Birlik Partiyasının sədri deyir ki, namizədliyinin qeydiyyatı üçün lazım olan 8 milyon dram – 20 min dollar girovu ona dostları verib. Həm də 5 faizdən az səs toplasa bu pulun itməsindən narahat deyil.

“Azadlıq Radiosu”  yazır ki, Ermənistanda Arutyunyanı keçmiş prezident Robert Köçəryan maliyyələşdirir.

Folklorşünas Vartan Sedrakyan:

Dörd müxtəlif yerdə torpaq sahəsi

132 m2 sahəsi olan mənzil.

252 m2 sahəsi olan ev.

“Mitsubishi autlender” markalı 2011-ci il buraxılışı olan avtomobil.

9 milyon 900 dram – təxminən 25 min dollar pul. (16 yanvar 2013-cü il tarixinə).

Milli öz müqəddəratını təyinetmə Birliyinin sədri Paruyr Ayrikyan:

Biri paytaxt İrəvanda, digəri Kotay rayonunda olan iki torpaq sahəsi və onların üzərində yarımçıq tikililər.

Çəmbərək rayonunda torpaq sahəsi və yarımçıq tikili.

“Jeep Laredo” markalı 2003-cü il buraxılışlı avtomobil.

Təxminən 21 min dollar pul (18 yanvar 2013-cü il tarixə).

Paruyr Ayrikyan əsas gəlirinin ABŞ banklarının qiymətli kağızlarından aldığı dividentlər olduğunu yazır.

“Ay radio”-nun direktoru Andrias Qukasyan

İrəvanın mərkəzində mənzil.

Zovuni rayonunda həyətyanı sahəsi olan ev.

“Toyota Prado” markalı avtomobil  -2007-ci il buraxılışlı.

“Flaminqo-Biç-Art” Səhmdar Cəmiyyətin səhmlərinin 45 faizi.

Qukasyan əsas gəlir yerinin öz biznesi olduğunu bildirib.

Keçmiş baş nazir Hrant Baqratyan

İrəvanın yaxınlığında sahəsi 613 m2 olan ev.

İrəvanın mərkəzində biri 120 m2, digəri 85 m2 olan iki mənzil.

“Nissan X-Trail” markalı 2003-cü il buraxılışlı avtomobil.

65 000 dollar (14 yanvar 2013-cü il tarixinə).

Baqratyan əsas gəlir yerinin deputat maaşı, Ukrayna universitetində və Ermənistan universitetində müəllim kimi aldığı əməkhaqqı, həmçinin Pernod Ricard Fransa şirkətindən aldığı divident, “Asmus Rotne” şirkətinə verdiyi əmlakın kirayə haqları  olduğunu göstərib.

Ermənistanın keçmiş xarici işlər naziri Raffi Ovannisyan

Paytaxt İrəvanda iki mənzil.

“Qaz-31” markalı avtomobil.

Təxminən 52 000 dollar (17 yanvar 2013-cü il tarixə).

İsmayıl
Publika.az

 

29.01.2013 12:02

Şərh yaz

Your email address will not be published. Required fields are marked *

*