Azərbaycanca

“Snayper qadın” ermənilərdən narazıdır -VİDEO

07.04.2014 | 14:20

Ermənistanın  Huyravan  əyalətində  yataqxanalardan  birində  iki  övladı  ilə  birlikdə  yaşayan  Qarabağ  müharibəsi  veteranı , keçmiş  snayper  Qalina  Navitskaya  Ermənistan  hakimiyyət  orqanlarından  narazı  olduğunu  bildirir.   Milliyyətcə  latış  olan  Qalina  o  zamanlar  Ermənistan  tərəfdə ”belıye  kalqotki”  adı  ilə  tanınan  qadınlardan  ibarət  snayperlər  qrupunda  Azərbaycana  qarşı  vuruşmuşdur.  Müharibə  dövründə  ermənilərin  yalan  vədlərinə  inanaraq  aldadılan  Qalina  hazırda  heç  bir sanitar- gigiyenik  şəraiti  olmayan kiçik  bir  otaqda  həddən  artıq  kasıb  vəziyyətdə  yaşayır.  Qalina  Qarabağ  müharibəsinə  könüllü  olaraq  gəldiyində  ermənilər  çox  təəccüblənmişdilər. O, xristian  olduğu  üçün  ermənilərə  köməyə  gəldiyini  və   iki  körpə   uşağını  ac- yalavac  qonşularının  ümidinə  buraxaraq  ön  cəbhədə  vuruşduğunu  söyləyir. Müharibənin  sonunda  ona  Qarabağ  müharibəsi  veteranı  adı  və  müxtəlif  imtiyazlar  verilsə  də,  qısa  müddət  ərzində  o  özünü  unudulanlar  sırasında  hiss  etməyə  başlayır.   Dövlətdən  heç  bir  yardım  almayan  Qalina  qonşuların  yardımı  ilə  yaşadığını,  buna  görə  də  yerli  hakimiyyət  orqanlarından  çox  narazı  olduğunu  bildirir. İndi  o,  Ermənistanda  qaldığına  görə  çox  peşmandır.   Baxmayaraq  ki,  ona  2000 dollar  pensiya  veriləcəyini  vəd  etmişdilər. Əksinə,  bütün  sənədlərini  toplayaraq müvafiq  orqanlara  təqdim  etdikdə  ondan  2000 dollar  rüşvət  tələb  etdilər.  Bədəninin  müxtəlif  yerlərində  bir  neçə  qəlpənin   qaldığına  görə  iş  qabiliyyətini  itirən  Qalinanın  başqa  müharibə  veteranlarından  fərqi  ondadır  ki, o, bütün  şikayətlərinə  etiraz  edən  məmurların  sifətini  görməmək  üçün  evdən  bayıra  çıxmır. Deyir  ki, qoy  məmurlar  gəlib  onun  yaşadığı  şəraiti  və vəziyyətini  görsünər, bəlkə  insafa  gəlib  onu  ağır  kasıbçılığın  əsirliyindən  qurtaralar.   Qeyri -rəsmi  məlumata  görə,  hazırda  Ermənistanda  20000-ə yaxın  Qarabağ  muharibəsi  veteranı  vardır.  Artıq 5 aya yaxındır  ki, İrəvanın “Azadlıq”  meydanında  müharibə  veteranlarının  sosial  vəziyyətlərinin  yaxşılaşdırılması  üçün  keçirdikləri  aclıq  aksiyaları, mitinq  və  nümayişlərə  baxmayaraq,  hələ  də  dövlət  qurumları  tərəfindən buna  ciddi  reaksiya  verilmir. Baş  nazirlə  görüşdən  sonra  onlara verilən  sözlərə  əməl  olunmaması  veteranları  daha da qıcıqlandırır.   Veteranların  hüququnu qoruyan  “Vətən naminə Könüllülər İttifaqı” ictimai təşkilatının: “Müharibə əlillərinin, itkin düşənlərin və həlak olanların ailələrinin sosial problemlərinin aradan götürülməsi” haqqında ölkə rəhbərliyi qarşısında qaldırdığı məsələ də cavabsız qalmışdır.                     

  İsmayıl Tanrıverdi  

“KarabakhİNFO. Com“ 

07.04.2014 14:20

Şərh yaz

Your email address will not be published. Required fields are marked *

*